L-ammont ta’ mwiet kawża tal-coronvirus fl-Italja tela’ għal 197 persuna. Il-jum tal-Ġimgħa kien l-aktar jum li fih mietu persuni nfettati b’dan il-virus minn mindu bdiet it-tifqiegħa fl-Italja.
Uffiċjali Taljani qalu li mietu 49 persuna f’temp ta’ 24 siegħa. L-Italja huwa l-aktar pajjiż, barra ċ-Ċina, li rraporta mwiet kawża tal-coronavirus. Filwaqt li s’issa ġew irraportati aktar minn 4,600 każ ta’ infezzjoni.
L-Għaqda Dinjija għas-Saħħa qalet li s’issa kważi 100,000 persuna ġew infettati madwar id-dinja, bi ftit aktar minn 3,000 imwiet.
