Raġel barrani ta’ 39 sena minn San Pawl il-Baħar ġie arrestat wara li saq fuq pulizija fil-Mellieħa.
Il-Pulizija kkonfermat ma’ One.com.mt li għall-ħabta tal-17:35, il-pulizija ssuspetatt mix-xufier li kien qed isuq karozza ta’ tip Citroen Berlingo fi Triq is-Salini.
Jidher li r-raġel barrani xħin ra l-pulizija ħarab minn fuq il-post u kien hawn li saq għal fuqhom.
Ir-raġel ħarab lejn il-Mellieħa fejn ġie mwaqqaf u arrestat fi Triq l-Għoljiet fil-Mellieħa, bl-għajnuna tal-RIU.
L-investigazzjonijiet tal-Pulizija għadhom għaddejjin.
