L-ewwel xahar ta’ din is-sena kien qoxqox hekk kif niżlu biss 15-il millimetru ta’ xita, ferm inqas mill-kwota tal-ġbir tal-ilma tax-xita, li hija kważi 93 millimetru.
Stqarrija tal-Uffiċċju Meterjoloġiku tal-Ajruport Internazzjonali ta’ Malta qalet li x-xahar li għadda kien il-ħames l-aktar Jannar xott li esperjenzaw il-gżejjer Maltin sa mill-1923.
Matul l-ewwel xahar tas-sena ma ġiet irrappurtata l-ebda maltempata bir-ragħad u s-sajjetti b’ħafna mill-ġranet kienu xemxin.
Tul ix-xahar ta’ Jannar, tkejlu kważi 180 siegħa ta’ xemx, 17-il siegħa aktar mis-soltu
It-temperatura medja għal Jannar kienet ta’ 13.2 °C jiġifieri nofs grad ogħla mis-soltu. Filwaqt li l-aktar temperatura baxxa għax-xahar kienet ta’ ftit aktar minn 5 °C.
