Il-President ta’ Malta George Vella qal li kollox għadda b’wiċċ il-ġid ilbieraħ meta kellu jagħmel intervent kirurġiku bil-loppju ġenerali.
F’messaġġ fuq il-midja soċjali l-President Vella qal li issa jinsab f’daru ma’ familtu u mistenni jirritorna għall-ħidma normali t-Tnejn li ġej. Huwa rringrazzja lil kull min bagħat xewqat sbieħ lilu, u rringrazzja wkoll lill-infermiera u speċjalisti li, fi kliemu, ‘jagħmlu l-mirakli kuljum’.