Il-President Amerikan Donald Trump spjega li ma ntilfu l-ebda ħajjiet Amerikani u Iraqqini f’attakk li wettaq l-Iran permezz ta’ missili fuq bażijiet militari Amerikani fl-Iraq.
“L-Iran qabad it-triq tan-niżla”, saħaq Trump li spjega wkoll kif se jimponi iżjed sanzjonijiet fuq l-Iran.
F’mossa ta’ ritaljazzjoni mill-Iran għall-qtil tal-Ġeneral Qasem Soleimani, ġew sparati missili ballistiċi fuq żewġ bażijiet militaro Amerikani f’Irbil u f’Al Asad.
Il-Ministru tal-Affarijiet Barranin fl-Iran ċaħad li l-Iran qed ifittex li jeskala s-sitwazzjoni fi gwerra.
