Il-Pulizija qed titlob l-għajnuna lill-pubbliku biex tinstab Luana Borg, tfajla ta’ erbatax-il sena li ġiet irrappurtata nieqsa.
Hija dehret l-aħħar fit-tmienja ta’ Diċembru għall-ħabta tat-tlieta ta’ waranofsinhar viċin ċinema f’Buġibba.
Kull min għandu xi informazzjoni dwar din it-tfajla huwa mitlub jgħaddiha lill-Pulizija, anki b’mod kunfidenzjali, billi jċempel fuq in-numru, wieħed wieħed disgħa, jew inkella fl-eqreb Għassa tal-Pulizija.
