Id-dinja tal-pop rock m’għadiex li kienet.
Tilfet stilla.
Hekk sostnew bosta wara li tħabbret il-mewt ta’ Marie Fredriksson, waħda miż-żewġ kantanti tad-dwett Roxette.
Kelliem għall-grupp qal li Fredriksson mietet fl-età ta’ 61 sena.
Bosta ddeskrivew l-istilla Svediża bħala mara b’kuraġġ ta’ sur li ġġieldet il-marda tal-kanċer għal 17-il sena sħaħ.
Per Gessle, il-kantant li kien ikanta magħha qal li l-affarijiet qatt mhu se jkunu l-istess.
“Kont ħabiba eċċezzjonali għall-40 sena”, qal Gessle hekk kif sellem il-memorja ta’ Fredriksson.
Roxette jibqa’ dwett popolari li biegħ aktar minn 80 miljun kopja ta’ diski li ħareġ.
Ġejjin mill-belt tal-Isvezja, iltaqgħu fis-snin 70 u mal-ewwel kisbu suċċess hekk kif ħarġu l-kanzunetta ‘Neverending Love’.
Minkejja l-popolarità qawwija tagħhom fl-Iskandinavja, fl-Amerka ħadd ma kien jażżarda jdoqq il-mużika ta’ Roxette sakemm student Amerikan li kien ġie mill-Isvezja ġab diska tagħhom u kkonvinċa preżentatur fuq radju Amerikan biex isemma’ l-mużika ta’ Roxette.
Fil-Milied ta’ 32 sena ilu, Roxette ħarġu l-kanzunetta ‘It Must Have Been Love’.
Intant wara li fl-2005, Fredriksson, omm ukoll ta’ żewġ t’itfal qalet li sejra tajjeb bit-trattament għall-kura tal-kanċer, bdiet b’sensiela ta’ kunċerti li raw massa kbira tan-nies tmur tismagħhom.
Dan intemm ħesrem, tliet snin ilu, meta Roxette waqfu jdoqqu u janimaw lin-nies minħabba li saħħet Fredriksson reġgħet bdiet tmur lura biex illum il-vuċi u l-mużika tagħha hija biss memorja oħra sabiħa ta’ artista li tat ħafna lix-xena mużikali.
Time goes by so quickly. It’s not that long ago we spent days+nights in my tiny apartment sharing impossible dreams. And what a dream we eventually got to share! I’m honoured to have met your talent+generosity. All my love goes to you+your family. Things will never be the same. pic.twitter.com/MQwkjEozl3
— Roxette (@TheRealRoxette) December 10, 2019
