Mija u erba’ immigrant temmew b’suċċess l-ewwel stadju tal-kors tal-integrazzjoni li jinkludi, il-lingwa u l-kultura Maltija/
Fil-gradwazzjoni li saret it-Tnejn filgħaxija fil-Kulleġġ Malti għax-Xjenza u t-Teknoloġija l-MCAST, ONE News tkellem ma’ Sister Deborah, immigranta mill-Ghana li ilha tgħix Malta għal dawn l-aħħar snin.
Qalet li l-lingwa Maltija m’hijiex daqhekk faċli biex titgħallimha iżda tgħallmet ħafna dwar kif inhu l-istil ta’ ħajja tagħna, it-tradizzjonijiet, l-ikel Malti , u ma naqsitx ukoll milli tlissnilha żewġ kelmiet li tgħallmet tgħid b’ilsienna/
“To know what Maltese like to do, what the Maltese culture and the way they welcome people. It was really impressive for us because we are foreigners. For the language Maltese is not easy to learn…Bonġu kif int.”
Il-kordinatur ta’ dan il-programm li qed jiġi implimentnat mid-Direttorat għall-Integrazzjoni u d-Drittijiet tal-Bniedem, Alex Tortell qal li dan il-kors qiegħed ikun ta’ għajnuna kbira għal barranin biex jiksbu għarfien tal-Malti u jsiru jafu akar dwar il-kultura ta’ pajjiżna.
“Dan huwa t-tieni grupp li qed jiggradwa u allura huwa ta’ sodisfazzjon kbir li naraw li anke jekk għadna kif bdejna inqas minn sena ilu diġà hawn numru sabiħ ta’ persuni li ġew f’pajjiżna minn barra biex jgħixu u jaħdmu hawn illli jixtiequ jkabbru l-ħiliet tagħhom fil-lingwa Maltija”
Il-Ministru għall-Ugwaljanza Edward Zammit Lewis saħaq dwar l-importanza li l-barranin jieħdu korsijiet simili bil-għan li ma jsibuwhiex diffiċli biex jintegraw mal-Maltin, kemm fil-lingwa kif ukoll l-istil ta’ ħajja.
Filwaqt li qassam, iċ-ċertifikati lil dawn l-immigranti, Il-ministru ħeġġiġhom sabiex ikomplu jistudjaw u japplikaw għat-tieni stadju ta’ dan il-kors. Huwa żied jgħid li l-preżenza tiegħu għal din iċ-ċerimonja hi xhieda tal-impenn tal-gvern lejn soċjetà aktar inklussiva/
