Grupp ta’ tfal minn Bormla tellgħu Trick or Treat b’differenza wara li ħarġu jiġbu bosta bottijiet tal-ikel b’risq familji u tfal li huma fil-bżonn.
L-attività mtellgħa f’Bormla kienet suċċess bi tfal daru bosta toroq u flok talbu l-ħelu kif jiġri matul din il-festa, talbu prodotti tal-ikel. Charlene Grech li ħadet ħsieb din l-attività qaltilna li r-residenti Bormliżi laqgħu din l-inizjattiva ta’ dawn it-tfal u taw dak li setgħu.
