Stħarriġ li jsir kull sena mill-kumpanija EY sab li sebgħa u sebgħin fil-mija tal-investituri li għandhom investiment f’pajjiżna jemmnu li Malta hija attraenti għall-investiment dirett barrani. Żieda ta’ 3% meta mqabbel mas-sena li għaddiet.
54% jemmenu li din il-klima ekonomika pożittiva se tkompli fit-tlett snin ġejjin, żieda ta’ 6% meta mqabbel mas-sena li għaddiet.
Fl-istess waqt naqqsu bi 2% dawk li ma jarax lil Malta attraenti għall-investiment fil-3 snin li ġejjin.
Il-Manging Partner tal-kumpanija EY Ronald Attard qal li dan l-istħarriġ r-riżultati huma konsistenti mal-aħħar 3 snin.
Attard stqarr: “Ilna nagħmlu dan is-survey 15-il sena. Hemm 77% li jaraw lil Malta attraenti More or less 3 minn kull erba investituri isibu lil Malta attraenti, konsistenti mal-aħħar tlett snin.”
Il-fiduċja tal-investituri f’Malta toħroġ ukoll mill-fatt li 80% qalu li jemmnu li se jibqgħu f’Malta fl-10 snin li ġejjin. Dan huwa l-iktar riżultat pożittiv fl-aħħar 5 snin.
58% qalu li għandhom il-ħsieb li fis-sena li ġejja jkabbru n-negozju tagħhom f’pajjiżna.
L-investituri barranin qalu li Malta hija destinazzjoni attraenti minħabba l-livell ta’ tassazzjoni, l-istabbiltà tal-klima soċjali, u ż-żieda fil-potenzjali tal-produttività fi ħdan il-kumpaniji.
Mill-banda l-oħra, l-ikbar ostaklu hu li mhux isibu nies imħarrġa biżżejjed.
Fil-fatt, 65% tal-investituri qalu li n-nuqqas ta’ nies imħarrġa qiegħed iżommhom lura milli jkabbru l-operat tagħhom f’Malta.
Il-Prim Ministru Joseph Muscat sejjaħ l-istħarriġ tal-EY bħala wieħed bilanċjat u jagħti stampa ċara tas-sitwazzjoni ta’ pajjiżna.
Mistoqsi dwar nuqqas ta’ ħaddiema mħarrġa, il-Prim Ministru qal li minn problema ta’ qgħad, issa morna għal sfida ta’ naqquas ta’ ħaddiema kwalifikati.
Il-Prim Ministru semma l-miżuri li daħħal l-Gvern sabiex aktar nisa jidħlu u jkomplu jidħlu fid-dinja tax-xogħol. Qal li aktar nies fix-xogħol, investiment fl-edukazzjoni u ħaddiema barranin kwalifikati jgħinu biex jindirizzaw din l-isfida.
Dr. Muscat qal li l-ħaddiema l-barranin qed jiġu Malta għax l-ekonomija qed tikber u xejjen l-argument tal-kap tal-oppożizzjoni li l-ekonomija qed tikber minħabba l-popolazzjoni.
Tkellem dwar it-tkabbir ekonomiku li qiegħed jirreġistra pajjiżna. Qal li l-ekonomija se tkompli tikber anki bis-saħħa ta’ oqsma ġodda bħal blockchain u l-Intelliġenza artifiċjali kif jemmnu li se jiġri l-investituri barranin li wieġbu l-istħarriġ.
Dwar il-qasam ambjentali, semma kif fil-5 snin li ġejjin mistenni jkun hemm dibattitu kbir fl-Unjoni Ewropea, fosthom bil-ħsieb li tidħol taxxa fuq prodotti li jidħlu fl-Ewropa u li jagħmlu ħsara lill-ambjent.
Fil-konferenza tkellem il-Kap tal-Oppożizzjoni Adrian Delia li quddiem l-investituri barranin, kien negattiv u fetaħ attakk fuq pajjiżna. Delia qal li hemm theddida fuq ir-reputazzjoni ta’ pajjiżna u l-investiment jinstab taħt theddida.
Delia qal: “This threat in front of our eyes and business.”
Lill-Kap tal-Oppożizzjoni wieġbu bil-fatti l-Prim Ministru Joseph Muscat li qal li xhieda tar-reputazzjoni li tgawdi Malta toħroġ mill-investiment dirett barrani li rdoppja fl-aħħar snin, meta sostna: “I think the reputation does not need to be judged only by mentioning articles, but by FDI which has doubled.”
Quddiem l-investituri barranin l-Prim Ministru tkellem ukoll dwar l-investiment qawwi li qed isir fl-Infrastruttura biex ma tibqax ta’ xkiel għall-investiment.
