Inqabdu 200,000 sigarett tal-kuntrabandu mill-pulizija u l-uffiċjali tad-dwana

Uffiċjali tad-Dwana kkonfiskaw 200,000 sigarett tal-kuntrabandu li nstabu waqt rejd f’propjetà f’Ħal Safi.

Fi stqarrija ntqal li l-uffiċjali tad-Dwana flimkien mal-Pulizija ilhom jissorveljaw il-garaxx. Waqt ir-rejd nstabu 1,000 kaxxa tal-kartun li kien fihom 200 sigarett.

Dawn is-sigaretti huma stmati li jammontaw għal €46,000.

Is-sigaretti nżammew mill-Pulizija għal aktar investigazzjonijiet.