Il-Kunsill tal-Istudenti tal-Junior College, nhar il-Ġimgħa, 25 ta’ Ottubru, mit-8 ta’ filgħaxija ‘l quddiem ser jorganizza avveniment b’risq il-Fondazzjoni Marigold fuq barra tal-kulleġġ, fl-Imsida stess.
Dan ser ikun it-tieni avveniment ta’ dan it-tip, għalkemm din id-darba ser ikun miftuħ għal kulħadd u b’differenza li ser ikun qed isir f’forma ta’ ‘Street Festival’.
Preżenti ser ikun hemm is-Sinjura Michelle Muscat, filwaqt li ser ikun hemm ukoll programm skedat b’numru ta’ kantanti lokali fosthom Kurt Calleja u Nicole Frendo, kif ukoll stands tal-ikel u x-xorb.
Id-dħul għal dan l-avveniment huwa b’xejn. Kull qliegħ li ser ikun hemm ser imur kollu għall-Fondazzjoni Marigold.
