David Sciberras ta’ 56 sena ġie rrappurtat nieqes lill-pulizija s-Sibt. Minn informazzjoni li għandu ONE News jidher li r-raġel huwa tabib tal-familja, li jpoġġi l-Mosta.
Sciberras deher l-aħħar nhar il-Ġimgħa 18 t’Ottubru għall-ħabta tas-sebgħa u nofs ta’ filgħodu meta ħareġ mir-residenza tiegħu biex imur lejn il-Mosta.
Huwa kien qed juża vettura griża tal-għamla Mitsubishi Colt, filwaqt li kien liebes flokk blu, bl-abjad u bl-iswed, qalziet blu u żarbun iswed.
Il-pulizija qed tappella li kull min għandu xi informazzjoni dwar Sciberras, jista’ jgħaddiha lill-Pulizija, anke` b’mod kunfidenzjali fuq in-numri tal-Kwartieri Ġenerali tal-Pulizija 21 224001 / 119 jew fl-eqreb Għassa tal-Pulizija.
