L-istilla tal-football Marco Reus, li huwa plejer tal-Borussia Dortmund ntgħażel biex ikun fuq il-qoxra ta’ barra tal-logħba tant popolari FIFA 17.
Din l-għażla saret wara kompetizzjoni li għaliha pparteċipaw il-plejer ta’ Chelsea Eden Hazard, il-plejer ta’ Manchester United, Anthony Martial, kif ukoll il-plejer tar-Real Madrid James Rodriguez. Għal din il-kompetizzjoni ivvottaw aktar minn 3 miljun persuna. 
Dan huwa unur ieħor għall-plejer ta’ 27 sena wara li ntagħżel ukoll biex ikun il-captain ta’ Borussia Dortmund.
Il-plejer Ġermaniż tas-sena 2012, stqarr li huwa jħossu onorat li anke hu se jkun qed jitniżżel bħala wieħed minn dawk il-plejers li ntgħażlu għal dan l-unur.
