Il-Prim Ministru Kanadiż Justin Trudeau skuża ruħu pubblikament wara li ħareġ ritratt antik tiegħu liebes irtokk ta’ karnaġġjon skur f’festin.
Jidher li r-ritratt ittieħed f’festin privat tal-iskola li kien jattendi l-Prim Ministru fl-2001, kważi 20 sena ilu. Ir-rivista Time ippubblikat ir-ritratt fl-aħħar sigħat, b’Trudeu jiskuża ruħu minnufih u jgħid li ‘missu kien jaf aħjar minn hekk’.
Hu u jindirizza l-ġurnalisti dwar l-istess ritratt, Trudeu spjega li l-irtokk kien parti minn kostum għaliex il-festin kellu tema Għarbija.
“Nerfa’ r-responsabbiltà ta’ dik id-deċiżjoni, ma missnix għamilt hekk. Missni irreaġixxejt aħjar” qal il-Prim Ministru, li żied jiskuża ruħu pubblikament għal din l-imġieba ‘razzista’.
Justin Trudeu kien ukoll fl-aħbarijiet fl-aħħar ġimgħat hekk kif ħabbar elezzjoni fil-Kanada fil-21 ta’ Ottubru li ġej.
