Ritratt mibgħut mill-Forzi Armati ta’ Malta mid-Dipartiment tal-Informazzjoni jixhed il-mewt kiefra li sofriet persuna bejn sema u ilma ‘il bogħod minn xi art kennija.
Immigrant li hu maħsub li ried jaqsam il-Mediterran għall-aspirazzjonijiet aħjar f’ħajtu ntlemaħ bla ħajja fuq dinghy f’nofs ta’ baħar.
Nifhmu li l-immigrant seta’ miet minħabba s-sħana qawwija li taħkem f’nofs ta’ baħar bla kenn għax-xemx li tħallik bil-għatx għall-mewt.
Filfatt hu maħsub li l-immigrant kellu nuqqas ta’ ilma tajjeb għax-xorb.
Quddiem din it-traġedja, ġie salvat immigrant ieħor li ttella’ permezz ta’ ħelikopter u nġab f’Malta għal aktar kura.
Il-kundizzjoni ta’ din il-persuna ġiet deskritta bħala stabbli.
Intant fi tweet il-Ministru Michael Farrugia qal kif l-immigrant li ġie salvat mill-FAM, instab fuq il-katavru tal-immigrant l-ieħor. Huwa żied jgħid li dan huwa x-xogħol li jagħmlu ta’ kuljum il-FAM, iżda tenna li dan ma nistgħux nibqgħu nagħmluh waħedna bħala pajjiż.
http://www.one.com.mt/2019/08/13/ragel-imut-u-iehor-isalva-wara-li-nstabu-mitlufa-fuq-dinghy/
#Malta has just rescued one lone survivor in critical condition from a dinghy. Found lying over the corpse of another #migrant. This is what @Armed_Forces_MT do each and every day. We cannot do this alone. @MaltaGov pic.twitter.com/I3Ap9N7ssU
— Michael Farrugia (@dr_micfarr) August 13, 2019
