Il-Kanċillier tal-Ġermanja Angela Merkel dehret titriegħed fil-pubbliku għat-tielet darba fl-istess xahar.
Filmat meħud l-Erbgħa waqt ċerimonja f’Berlin juri lil Merkel titriegħed b’mod eċċessiv biswit il-Prim Ministru Finlandiż, u togħrok idejha f’dak li jidher tentattiv biex tikkontrolla r-rogħda.
Wara l-inċident, Merkel qalet li tinsab tajba u m’hemmx lok għal tħassib.
Kelliem għall-Gvern qal li Merkel – li għandha erbgħa u sittin sena – se tkompli bl-impenji tagħha hekk kif skedati.