Il-President Amerikan Donald Trump qal li m’hemmx għalfejn li l-jiddiskuti t-tibdil fil-klima mal-kollegi tiegħu għaliex l-Istati Uniti għandha l-aktar arja u ilma nadifa ‘fl-istorja’. Huwa qal dan waqt is-summit tal-G20 fil-Ġappun li sar din il-ġimgħa, fejn żied jgħid ukoll li mhux lest jipperikola dak li skont hu rnexxielu jibni l-Gvern Amerikan fl-aħħar snin.
Hawnhekk qal li l-ġenerazzjoni tal-enerġija mir-riħ mhux b’saħħitha biżżejjed, u din il-forma ta’ enerġija rinovabbli ‘ma taħdimx’.
