Dan li qed jidher fir-ritratt huwa r-restawr li għadu kif tlesta fuq l-arkata ikonika tal-capomastro Malti Giovanni Barbara. L-arkata li tħares ‘il barra fuq Marsamxett għandha kważi tlett mitt sena. Iġġarrfet fit-tieni gwerra dinjija u baqgħet tibki għar-restawr għal għexieren ta’ snin.
Ir-restawr jifforma parti mill-proġett Micas fl-akkwata tal-Ospizju fil-Furjana u saret taħt id-direzzjoni tad-direttorat tar-restawr. Fir-ritratt wieħed jista’ jara d-differenza li twettaq permezz tar-restawr tant li d-daħliet li jidhru taħt l-arkata qabel ir-restawr, anqas biss kienu jidhru.
