Rumen inżamm arrestat wara li kien hu li talab l-għajnuna tal-pulizija iżda imbagħad l-istess pulizija sabitlu d-droga fil-magna tal-ħasil.
Ivaniciuc Valentin-Ciprian ta’ wieħed u tletin sena li jgħix il-Qawra talab lil pulizija jipproteġuh wara li skont hu kien hemm grupp ta’ rġiel lesti biex ituh xebgħa.
Ir-Rumen qal lil pulizija li saħansitra kien hemm bodybuilder qed iħabbat il-bieb u jheddu li dieħel għalih u joqtlu.
Meta l-pulizija waslet fuq il-post sabet droga ma’ kullimkien, fosthom fil-kċina u f’boroż suwed.
Saħansitra d-droga kannabis instabet ukoll fil-magna tal-ħasil u anki flus kontanti li jlaħħqu l-erba’ t’elef ewro.
Minħabba s-serjetà tal-każ, il-Qorti ċaħdet it-talba għall-ħelsien mill-arrest.
Il-każ mistenni jkompli x-xahar id-dieħel.
