Karozza tat-tip Volkswagen Beetle kienet qed tinstaq fi Triq Għar id-Dud, għal xi raġuni din baqgħat tielgħa fuq il-promenade fi Triq it-Torri u kellha impatt ma’ bank. Bil-qiegħda fuq il-bank kien hemm raġel Olandiż ta’ 81 sena u mara Belġjana ta’ 19-il sena.
Il-mara sofriet xi ġrieħi u ttieħdet l-Isptar Mater Dei għall-kura medika. Għalkhemm il-qagħda tagħha ma tidhirx serja, in-natura tal-ġrieħi li ġarrbet għadha mhijiex magħrufa.
Is-sewwieq tal-vettura, raġel ta’ 26 sena residenti Ħ’Attard, ma sofra ebda ġrieħi.
Il-Pulizija għadha għaddejja bl-investigazzjonijiet tagħha.
