Fi New York għaddejin l-aħħar preparamenti biex issir waħda mill-iktar kompetizzjonijiet popolari b’rabta mal-ammont t’ikel li jittiekel fl-iqsar żmien possibli.
Il-kompetizzjoni bl-isem ta’ Nathan’s Hot Dog Eating Contest se tara numru ta’ persuni jippruvaw jieklu numru ta’ hot dogs f’għaxar minuti.
Propju qabel il-kompetizzjoni l-parteċipanti ntiżnu hekk kif qed iħejju għal din l-isfida.
Bla dubju dan m’huwiex każ li l-parteċipanti se jkunu ħnieżer għal żaqqhom biss iżda anki għal buthom għaliex ir-rebbieħ mistenni jirbaħ mal-erbgħin elf dollaru.
