Ir-riħ qawwi għamel ħsarat kbar ukoll fil-Gżira tat-Tliet Għoljiet, b’diversi nħawi magħluqa minħabba l-periklu għall-pubbliku.
Fix-Xagħra Għawdex il-Pjazza tal-Komunita ta’ Ġesu Nazzarenu tinsab magħluqa, dan minħabba li l-iscaffolding li jinsab mal-faċċata tal-knisja huwa ta’ periklu kbir.
F’Marsalforn jidher li tqaċċtu ammont ta’ siġar, b’uħud jaqgħu fuq il-karozzi. Intant il-ħaddiema tal-Ministeru għal Għawdex għadhom għaddejjin bla waqfien sabiex iġibu s-sitwazzjoni għan-normal.
F’post li għamel is-Sindku ta’ Għajnsielem jidher ukoll li ħsarat kbar saru wkoll fl-għarmar tal-presepju ħaj Bethlem f’Għajnsielem.
Fost il-ħsarat ġew irrapurtati wkoll li ċedew diversi ħitan tas-sejjieħ u xi makkinarji f’siti tal-konstruzzjoni.
