Fl-oratorju tan-Naxxar qed issir wirja ta’ madwar 70 qattus ta’ diversi razzez fosthom Maine Coon, Siberians u Sphinx.
Nevise Borg Caligari, waħda mill-organizzaturi ta’ din il-wirja, spjegat li bid-differenza ta’ fieri oħra, din id-darba il-membri tal-pubbliku għandhom iċ-ċans li jaddottaw qattus li bħalissa qed jgħix fis-santwarju.
Nevise Borg Caligari li hi l-organizzatriċi qalet: “Pero xi ħaġa aktar speċjali hi li qed niċċelebraw dawn il-qtates puri, għandna wkoll kategorija ta’ qtates li xi darba forsi kienu strays u abbandunati u issa qed jikkompetu għall-aqwa titli. Però apparti minn hekk għandna l-NGO claws magħna hawnekk u qed nippromovu l-addozzjoni tal-qtates. Sa dan il-ħin diġà ġew addottati 3 qtates.”
Għal din il-wirja tħallew jipparteċipaw ukoll numru ta’ qtates ta’ mingħajr pedigree. Minkejja li dawn il-qtates m’humhiex ta’ razzez puri s-sbuħija tagħhom xorta saħħret lil kull min mar jarahom.
