Fil-jum ddeddikat għall-prevenzjoni tal-kanċer l-istudenta Martina Fenech li tilfet l-aktar nies għeżiż tagħha kawża tal-kanċer esprimiet id-dispjaċir tagħha għaliex ħafna jagħżlu li jevitaw li jagħmlu testijiet li jistgħu isalwawlhom ħajjithom.
Filfatt il-marda tal-kanċer ħalliet vittma lil omm u lill-għarus ta’ Martina filwaqt li hija kellha tagħmel operazzjoni sabiex tneħħi sidirha hekk kif kienet f’periku kbir li tispiċċa vittma hija wkoll.
Martina spjegat li hija ma tħossx li l-kanċer jiddefenixxinha u sostniet li l-kanċer għallimnha tgħix. Appellat li l-kanċer lilha ma tathiex sentenza tal-mewt iżda tagħni sentenza ta’ ħajja għax bis-saħħa tiegħu tgħallmet tapprezza aktar il-ħajja.
Martina temmen sabiex in-nies ma jibżgħux jagħmlu t-testijiet neċessarji. Hawnekk hija spjegat li n-nies isibu l-ħin u flus sabiex igawdu ħajjithom iżda mhux kulħadd isib ħin sabiex ipoġġi għat-testijiet. Testijiet, li jistgħu isalvaw ħajjet dawk li jagħmluhom.
