Bulgaru ta’ 20 sena, residenti Marsalforn u Ingliż ta’ 41 sena, residenti ż-Żebbuġ, Għawdex ġew arrestati wara ġimgħat taż ħidma mill-iskwadra ta’ kontra d-droga.
L-arrest taż-żewġ persuni sar fil-lejl ta’ bejn il-ħamis u l-ġimgħa.
Huma nstabu fil-pussess ta’ madwar 80 gramma droga suspettata kokaina mqassma f’boroż lesta biex tinbiegħ, ammont zgħir ta’ weraq tal-pjanta cannabis, pjanta tal-cannabis, żerriegħa tal- cannabis kif ukoll diversi oġġetti relatati mal-bejgħ ta’ l-istess droga, fosthom miżien elettroniku.
L-irġiel mistennija jitressqu l-Qorti t’Għawdex quddiem il-Maġistrat Dr J. Coppini dalgħodu, b’akkużi relatati mat-traffikar u pussess tad-droga, kif ukoll kultivazzjoni tal-pjanta cannabis.
L-investigazzjonijiet tal-Pulizija għadhom għaddejjin.
