Il-Kap tad-Delegazzjoni Laburista fil-Parlamentari Ewropew Alfred Sant tefa’ n-nomina tiegħu għall-elezzjoni tal-Parlament Ewropew.
F’messaġġ fuq Facebook Sant ħabbar kif illum wassal fiċ-Ċentru Nazzjonali Laburista l-applikazzjoni tiegħu biex jiġi kkunsidrat bħala kandidat tal-Partit Laburista għall-elezzjoni tal-Parlament Ewropew f’Mejju li ġej.
Hu rringrazzja lil Helena Dalli, lil Joe Debono Grech u Tommy Dimech bħala delegati tal-Konferenza Ġenerali tal-Partit li ssekondaw l-applikazzjoni.
Kien proprju l-Ħadd li għadda li l-Prim Ministru Joseph Muscat ħeġġeġ lil Sant biex jerġa’ jikkontesta l-elezzjonijiet tal-Parlament Ewropew f’isem il-Partit Laburista.
