Scaffolding li kien qed jgħatti binja fi Triq Rue D’Argens, il-Gżira, kien f’periklu li jaqa’ kawża tar-riħ qawwi li għadda minn fuq pajjiżna fl-aħħar ħin.
Ħaddiema mid-Dipartiment tal-Protezzjoni Ċivili ġew imsejħa fuq il-post għall-ħabta tal-22:00 tat-Tlieta filgħaxija. Kien hemm preżenti wkoll it-taqsima speċjalizzata tal-USAR.
L-operazzjoni delikata ħadet il-ħin sakemm l-istruttura kbira ġiet stabbilizzata, u reġgħet intrabtet mal-faċċata tal-binja li kienet qed tinbena.
