Matul il-lejl li għadda, iktar ħidma mill-Iskwadra ta’ Kontra d-Droga wasslet għall-arrest ta’ raġel ta’ 45 sena, residenti n-Naxxar.
Ir-raġel instab fil-pussess ta’ 12-il pakkett bi trab abjad suspettata droga kokaina. Huwa kien arrestat minn post ta’ rikrejazzjoni viċin il-knisja parrokjali fl-Imsida.
l-investigazzjonijiet tal-Pulizija għadhom għaddejjin u r-raġel mistenni jitressaq il-Qorti fil-jiem li ġejjin.
