Qam tħassib serju dwar l-użu tat-tablets fil-karozzi waqt li dawn ikunu qed jinstaqu. Dan wara li t-Tnejn li għadda f’ Vilanova de Arousa fi Spanja, tarbija ta’ tliet snin tilfet ħajjietha wara li ommha ħabtet ġo van tal-iskola. Rapporti qalu li t-tifla kienet bilqegħda kif suppost madankollu kawża tal-impatt li seħħ it-tablet tar għal ġo wiċċ it-tarbija. Minkejja li l-kawża tal-mewt għadha ma ġietx ikkonfermaa, l-pulizija qalet li mill-indikazzjonijiet jidher li t-tifla mietet kawża ta’ dan l-apparat elettroniku.
