Żagħżugħ t’għoxrin sena mill-Gambja baqa’ jinżamm arrestat wara li tressaq il-Qorti akkużat li pprova jbigħ id-droga kannabis lil Pulizija li ma kienx xogħol.
Il-każ seħħ fis-sigħat bikrin tas-Sibt meta ż-żagħżugħ allegatament offra d-droga lil uffiċjal tal-Pulizija li kien ma’ grupp ta’ ħbieb f’Paceville.Meta ċempel għall-assistenza, sħabu ppruvaw iżommu lill-akkużat milli jaħrab minn fuq il-post, iżda allegatament rema’ d-droga minn fuqu, waddab xi ġebel u rnexxielu jaħrab.
Huwa nqabad ftit tal-ħin wara mill-Pulizija li waslu fuq il-post.
Quddiem il-Maġistrat Ian Farrugia, l-imputat wieġeb mhux ħati li pprova jittraffika d-droga u li darab ħafif lil xi persuni u ma ngħatax il-ħelsien mill-arrest.
