M’għadhiex treġi l-idea fost il-pajjiżi membri li l-Immigrazzjoni hija problema ta’ pajjiż wieħed iżda qed jiġi diskuss kif kulħadd għandu jikkontribwixxi, qal il-Prim Ministru Joseph Muscat waqt is-summit Ewropew informali f’Salżburgu, l-Awstrija.“Fost il-pajjiżi tal-Unjoni Ewropea hemm ir-realizazzjoni li jrid isir xi ħaġa dwar liImmigrazzjoni. L-idea li l-Immigrazzjoni hija probelma ta’ pajjiż jew ieħor m’għadhiex treġi, ovvjament kif jikkontribwixxu dawk il-pajjiżi u l-pajjiżi kollha għad qed tiġi diskussa u hemm diversi ideat fuq il-mejda”, stqarr il-Prim Minstru.
Muscat tenna li l-imigrazzjoni baqgħet fuq nett tal-aġenda u ninsabu f’sitwazzjoni fejn aħna bħala Malta għedna li lesti li nkomplu nagħmlu xogħolna iżda nistennew li jkollna l-appoġġ, nistennew ukoll li ma noqgħodux nistennew li jkun hemm kriżijiet biex isiru ċerti passi min-naħa tal-Unjoni Ewropea.
Filwaqt lin-numri tal-wasliet tad-dgħajjes fil-Mediterran ċentrali naqsu drastikament kważi bit-80%, meta mqabbel mas-sena li għaddiet, spjega Dr Muscat, xorta għandna sitwazzjonijiet, fejn qed tiżviluppa pratikament issa stess, fejn mill-ġdid għandna vapur ta’ NGO li jidher li ġabar numru ta’ migranti f’ibħra Internazzjonali li jappartjenu lil Libja u hemm kwistjoni fejn dawn se jkunu qed imorru għax li kieku nġabru mill-Coastguard Libjana, kieku dawn ittieħedu lura l-Libja. Aħna li qegħdin ngħidu huwa li hemm bżonn li kull min jippartecipċa f’dawn is-sessjonijiet, ikun hemm rules of engagements li jkunu ċari ħafna b’rispett lejn il-liġijiet internazzjonali imma b’tali mod li dawn ir-regoli jkunu ċari, saħaq il-Prim Ministru.
Filwaqt li ma kienx mistenni li jkun hemm xi żblokk ewlieni llum, qal Joseph Muscat, dawn huma passi li jsiru wara xulxin. Aħna li naf, bħala Malta li meta kellna problemi u meta kien hemm issues li mhux tagħna, iżda Ewropej, aħna konna l-unika pajjiż li rnexxilna nikkonvinċu lill-pajjiżi l-oħra sabiex jieħdu l-immigranti. Meta daħlu l-aħħar immigranti f’pajjiżna l-ebda wieħed minnhom ma’ baqa’ f’Malta u marru postijiet oħra stqarr il-Prim Ministru.
Dr Muscat qal li huwa totalment qiegħed jirrifjuta l-idea li Malta ssir xi Ċentru reġjonali, jew Ċentru Ewropew tal-Immigranti fejn kulħadd jiġi Malta, imbagħad naraw x’nagħmlu wara. Għalina dan mhux aċċettabli, iżda jekk ikun hemm bżonn soluzzjonijiet dwar każijiet individwali, aħna dejjem lesti li nagħmlu xogħolna, tenna l-Prim Ministru.
Dwar Brexit, il-Prim Ministru qal li huwa jemmen li l-prinċipji għadhom ċari. Min-naħa ta’ Malta, aħna rridu li jkun hemm ftehim, iridu li l-Unjoni Ewropea tkun flessibli kemm jista’ jkun, Malta se tkun flessibli kemm jista’ jkun u din anke għedtu, nhar it-Tnejn li għadda, lil Prim Ministru Inġliż Theresa May stess,tenna Joseph Muscat filwaqt li sostna li l-flessibilità trid tiġri fil-qafas tar-regoli Ewropej. Ma jistax ikun hemm eċċezzjonijiet għar-regoli Ewropej, temm jgħid Dr Muscat.
