Parti żgħira mill-promenade ta’ San Ġiljan, propju faċċata tal-Knisja tal-Madonna tal-Karmnu biswit il-Balluta, ingħalqet bħala miżura ta’ prekawzjoni wara li Infrastructure Malta nnutat periklu f’din l-istruttura li tagħti għal fuq il-baħar.Dwar dan ONE News tkellem ma’ Anton Żammit – Il-perit li qed jieħu ħsieb li dan is-sit li nbena fl-2003 jerġa jkun sigur għall-eluf ta’ turisti li jgħaddu minnu ta’ kuljum. Hu spjega magħna x’kien dak li ġgħalhom jagħlqu dan is-sit u x’azzjoni ttieħdet. Żammit stqarr ukoll, li x-xogħol mhux se jieqaf hawn hekk kif mibarra din iż-żona, Infrastructure Malta se tkun qed ddawar ħarsitha fuq żoni simili biex ikun assigurat li kollha qiegħdin fl-aqwa standard possibli.
