Il-Qorti Kostituzzjonali taż-Żimbabwe kkonfermat ir-riżultat tal-elezzjoni presidenzjali tat-30 ta’ Lulju li għadda, jiġifieri li Emmerson Mnangagwa huwa l-President taż-Żimbabwe.
Fil-Qorti, il-Maġistrat Luke Malaba qal li l-Kap tal-Oppożizzjoni Nelson Chamisa ma pprova l-ebda fatt dwar l-allegazzjonijiet ta’ frodi li tqajmu waqt il-kampanja għall-elezzjoni presidenzjali.
Jumejn wara l-elezzjoni presidenzjali, minn tal-inqas sitt persuni nqatlu wara ġlied bejn id-demostranti tal-partit tal-oppożizzjoni u l-forżi tas-sigurtà.
Il-President wara din id-deċizzjoni appella lil poplu taż-Żimbabwe għal paċi u għall-għaqda. Saħaq li l-kap tal-oppożizzjoni u hu għandhom jiġbdu ħabel wieħed.
I once again reiterate my call for peace and unity above all. Nelson Chamisa, my door is open and my arms are outstretched, we are one nation, and we must put our nation first. Let us all now put our differences behind us. It is time to move forward together. (4/4)
— President of Zimbabwe (@edmnangagwa) August 24, 2018
Din kienet l-ewwel elezzjoni wara li l-ex President taż-Żimbabwe Robert Mugabe kien fit-tmexxija għal 37 sena. Mugabe tneħħa mit-tmexxija tal-pajjiż fl-aħħar tas-sena li għaddiet.
