Ir-reġina tal-mużika pop illum tagħlaq 60 sena. Madonna, imwielda Madonna Louise Veronica Ciccone, hija l-ikbar artista femminili fid-dinja skont il-Guinness World Records. Hija biegħhet iktar minn 300,000,000 album madwar id-dinja, u organizzat madwar 10 tours globali biex tippromwovi l-mużika tagħha. Twieldet u trabbiet f’Rochester, Michigan fl-Istati Uniti, iżda bdiet tħalli l-marka tagħha fuq ix-xena tal-ispettaklu bejn l-1983 u l-1984 b’kanzunetti bħal Material Girl u Like A Virgin.
Fl-1996, Madonna ħadmet il-film Evita, dwar ħajjet il-mara tal-president tal-Arġentina Juan Peron.
Issa li kellha karriera twila u varjata, u daret id-dinja minn tal-inqas 10 darbiet biex tippromwovi xogħolha, Madonna qed tħares lejn modi ġodda ta’ kif tirreklama l-mużika tagħha fuq skala iżgħar.
