Dawk kollha li jħobbu l-qtates żgur mhux forsi li xi darba jew oħra ħolmu li jista’ jkollhom il-karriera tal-ħolm mdawrin bil-qtates. Minkejja li ftit li xejn jeżistu karrieri ta’ dan it-tip, bħalissa l-applikazzjonijiet għal impjieg simili jinsabu miftuħa.
Dan hekk kif santwarju tal-qtates fuq waħda mill-gżejjer tal-Greċja, Syros, bl-isem ta’ God’s Little People Cat Rescue qed ifittxu lil xi ħadd biex jgħinhom jieħdu ħsieb 55 qattus.
Hekk kif din l-opportunità diġà hi eċċezzjonali, dan is-santwarju se jkun qed jipprovdi wkoll residenza b’ġardina privata u kif ukoll paga.
Il-koppja li bħalissa qed tieħu ħsieb dan is-santwarju ddeċidew iħallu lil xi ħaddieħor jieħu ħsiebu u għalekk qed joffru £320 fix-xahar fuq bażi parttajm.
