Qormi ġie arrestat wara li allegatament inqabad fil-fatt idaħħal bil-baħar eluf ta’ sigaretti bil-kuntrabandu.
Sorsi qrib l-investigazzjonijiet qalu lil ONE News li hu stmat li r-raġel prova jdaħħal mat-tminn mitt elf sigarett li kienu f’erbgħin elf pakkett.
Kien għal ħabta tal-ħamsa u kwart ta’ dalgħodu meta l-pulizija rċeviet telefonata li sostniet kif fil-Qawra kien hemm dgħajsa mal-moll u fiha bdew jitniżżlu ammont ta’ kaxxi u jiġu mgħobbija fuq vann li kien hemm fiż-żona magħrufa bħala tal-Veċċja.
Il-pulizija tad-distrett marru minnufih fuq il-post fejn sabu vann Fiat Ducato u malli fetħu l-kaxxi u sabu s-sigaretti arrestaw ir-raġel li kien mal-vann.
Dan filwaqt li persuna oħra li kienet fuq id-dgħajsa laħqet ħarbet bid-dgħajsa.
B’rabta ma’ din is-sejba ġew infurmati wkoll uffiċjali tal-infurzar tad-dwana.
