Il-Big Screen armat. Id-DJs diġà għandhom għażla mużikali mħejjija u parti mill-kumpless Aria nbidel f’pitch żgħir tal-futbol.
Din hi l-atmosfera li fiha tista’ ssegwi l-finali tat-Tazza tad-Dinja llum wara nofsinhar. Hemm mhux biss tista’ tara lil wieħed mit-timijiet bejn il-Kroazja u Franzja jgħollu t-Tazza tad-Dinja iżda int ukoll tista’ tirbaħ wieħed minn għadd ta’ premijiet li se jispiċċaw għand dawk li jilagħbu ma’ plejers Maltin magħrufa li wkoll għażlu l-kumpless Aria biex isegwu l-finali tat-Tazza tad-Dinja.
Il-bibien jiftħu mis-sagħtejn ‘il quddiem u qabel il-logħba, li tibda, fil-ħamsa se jkun hemm ukoll fashion show mill-mudelli ta’ Modelle International. Biex fis-siegħa ta’ qabel il-logħba kollox jibda jdur fuq il-finali fejn il-mużika magħżula żżid il-brijju u fil-barijiet tibda happy hour.
Jekk għadek m’għażiltx fejn se tara l-logħba dan hu l-post għalik. Divertiment, għad-dell tat-tinda, ebda problemi ta’ parkeġġ u logħba fuq Big Screen ta’ kwalità. Dħul b’donazzjoni lill-Partit Laburista. Biljetti mal-bieb jew minn fuq showshappening.com.
