Il-ġuvni li l-bieraħ intlaqat minn karozza li baqgħet sejra fit-triq tal-Moskea huwa Matthew, plejer tal-football tat-tim ta’ Special Olympics Malta. Matthew li joqgħod ir-Rabat intlaqat minn karozza tat-tip Mercedes E250D waqt li kien qed jaqsam triq Duminku Mintoff f’Raħal Ġdid.
Immedjatament wara l-inċident niżlet tfajla li kienet passiġġiera fil-karozza madankollu ix-xufier qallha biex terġa titla lura u ħarbu minn fuq il-post b’veloċita liema bħalha minn fuq il-post. Fuq il-post tal-inċident issejħet ambulanza b’tim meidku fejn ħadu l-vittma fl-Isptar Mater Dei fejn irriżulta li qed isofri minn ġrieħi serji.
Il-karozza instabet ftit tal-ħin wara pparkjata bil-ħġieġa ta’ quddiem imkissra u mgħottija b’liżar pparkjata f’Raħal Ġdid. Aktar tard ix-xufier li huwa ġuvni ta’ 27 sena mill-Isla ġie arrestat mill-Pulizija fejn mistenni jitressaq il-Qorti fil-jiem li ġejjin.
