L-Assoċjazzjoni tal-Iżviluppaturi, l-MDA, sellmet il-memorja tal-imprenditur Hugo Chetcuti li tilef ħajtu lbieraħ filgħaxija kawża tal-ġrieħi li ġarrab wara li qala’ daqqiet ta’ sikkina madwar sebat ijiem ilu.
L-MDA spjegat kif Chetcuti kien wieħed mill-akbar imprendituri fl-industrija tad-divertiment, li żviluuppa lil Paceville f’ċentru li jattira eluf ta’ persuni f’bosta mill-istabbilimenti tiegħu. Spjegat kif hu kkontribwixxa fl-iżviluppar taż-żona u kif ukoll impjega mijiet ta’ persuni.
L-MDA bagħtu l-kondoljanzi tagħhom lill-qraba, b’mod partikolari lil ħuh, Wayne Chetcuti, li hu ukoll membru tal-MDA.
