Żewġ xufiera, tfajla ta’ 20 sena mis-Swieqi u raġel ta’ 40 sena minn San Ġwann, indarbu ħafif f’inċident tat-traffiku li seħħ għall-ħabta tas-19:00 fi Triq ’Rou d’Argens il-Gżira.
Il-Pulizija qalet ma’ one.com.mt li t-tfajla kienet qed issuq Vauxhall Tigra meta għal xi raġuni kienet involuta f’ħabta ma’ mutur tal-għamla Suzuki misjuq mir-raġel minn San Ġwann.
Ambulanza ħadet lill-vittmi l-isptar Mater Dei fejn aktar tard ġew iċċertifikati li qed isofru minn ġrieħi ħfief.
Il-Pulizija qed tinvestiga l-każ.
