Ftit tal-ġimgħat ilu serqu l-fekruna tal-art ta’ Simone Cini. F’messaġġ fuq Facebook, Simone spjegat kif din il-fekruna tal-art ngħatat lilha meta kien għad kellha sena biss.
Spjegat kif din il-fekruna daret magħha kull fejn għexet u kienet l-unika rabta li kellha ma’ tfulitha fejn anke ommha, li ilha li tilfet ħajjitha, kienet għal qalbha wkoll.
Simone sostniet li min serqilha l-fekruna għamel dan meta t-triq tagħha f’Marsaxlokk bdiet tingħata t-tarmak.
Spjegat kif ħalliet sal-lum biex tikteb sabiex tikkonferma li xi ħadd daħlilha fil-parapett u serqilha l-fekruna.
Hi appellat biex kull min għandu xi informazzjoni jiktbilha messaġġ fuq Facebook.
