B’tarazzin mill-isbaħ b’veduta tal-baħar Mediterran, hostel Maltija spiċċat fi klassifika fost l-aktar hostels irħas u lussużi fl-Ewropa.
Is-sit barrani Business Insider b’kollaborazzjoni ma’ sit li fuqu ssib għadd ta’ hostels, Hostelworld, irrapporta kif din il-lukanda li tinsab f’San Ġiljan hi l-hostel perfetta għal xarba tajba jew BBQ bi kċina fuq ġewwa għal min jixtieq.
Il-hostel tinsab ħames minuti ‘l bogħod mill-Bajja ta’ Spinola fejn wieħed jista’ jżur il-monument LOVE, iżur id-diskoteki, ristoranti u ħwienet oħra li jinsabu madwar Paceville.
Għalkemm bosta ma jgħażlux hostel bħala l-post fejn jorqdu waqt vaganza, dan is-sit jispjega li wieħed qas biss jinduna jekk imur f’hostel minn dawn hekk kif huma affordabbli u kif ukoll lussużi.
Spjega li minkejja li l-hostel hi rħisa, xorta waħda hi akkomodazzjoni sabiħa fejn wieħed jista’ jagħżel kamra privata jew tkun ma’ persuni oħra.
