Eluf ta’ nies attendew għall-avveniment Crossroads li sar f’Ħaż-Żabbar.
Crossroads@Zabbar sar fil-pjazzez ewlenin ta’ Ħaż-Żabbar b’kunċert ta mużika Maltija minn Corazon, kunċert minn Ira Losco u l-band tagħha, wirja unika awdjoviżiva mall-faċċata tas-Santwarju tal-Madonna tal-Grazzja, kunċert mill Versatile brass band u logħob tan-nar tal-art.
Ħadu sehem ukoll iż-żewġ baned tal-lokal: L-Għaqda Madonna tal-Grazzja Banda San Mikiel u s-Soċjetà Filarmonika Maria Mater Gratiae.
Koppja miżżewġa friska, irċevew l-awguri permezz ta’ kitba fuq il-knisja bi projezzoni fuq il-faċċata fejn anke s-Sindku Marc Vella Bonnici awguralhom personalment.
Din l-attività ttellgħet mill-Kunsill Lokali ta’ Ħaż-Żabbar.
