L-esebizzjoni Where Have You Gone? hi t-tieni esebizzjoni tal-arti mingħand l-artisti Hannah Galea, LONKIRKOP u Serah Stringer, flimkien taħt l-isem ta’ The Peculiars.
Il-ħsieb ta’ din l-esebizzjoni beda immedjatament wara il-feedback pożittiv għal-Ewwel Esebizzjoni bit-tema tas-sess “What’s Your Flavour?”, li saret fi-strada stretta f’Dicembru li għadda.
Din id-darba it-tema hi l-izolament, fejn The Pecualiars qegħdin imissu ma’ temi varji bħad-dipressjoni, mard kroniku, il-mewt, it-terrorizmu, il-Body Image, l-impatt tal-bniedem fuq l-ambjentu oħrajn.
Bħala venue din id-darba, The Peculiars iddeċidew li jmorru fil-Kripta ta’taħt il-knisja ta’ Santu Wistin il-Belt Valletta. Għal The Peculiars, il-post fejn jesebixxi l-arti tagħhom hu importanti ħafna, biex barra li joffri lill-pubbliku l-opportunità li jżuru dawn il-postijiet sbieh, jikkumplimenta t-tema u x-xogħol esebit.
Din se tiftaħ l-erbgħa 6 ta’ Ġunju fis-19.30pm sal-Ħadd 10 ta’ Ġunju.
L-artisti Hannah Galea, LONKIRKOP u Serah Stringer, iltaqgħu waqt l-istudju tagħhom għad-degree fil-Fine Arts. Kif lestew l-istudji tagħhom iddeċidew li jgħaqqdu l-passjoni u l-abbiltajiet li għandhom fl-arti u jibdew jorganizzaw l-esebizzjonijiet tal-arti flimkien, taħt l-isem ta’ The Peculiars.
L-għan ta’ The Peculiars hu li permezz tal-arti tagħhom jitkellmu dwar suġġetti varji li ħafna minnhom jistgħu ikunu jaħarqu u li forsi mhux kulħadd għandu il-kuraġġ li jiddiskutihom. Fl-esebizzjonijiet tagħhom dejjem jagħmlu użu minn materjali differenti biex l-udjenza dejjem tara xi ħaġa differenti, impattiva u friska.
Żur: https://www.facebook.com/events/141404139927348/ għal aktar informazzjoni.
