Rabat Ajax ħabbru li Vasko Petrovic huwa l-kowċ il-ġdid tat-tim. Petrvoic, li huwa eks-plejer tat-tim stess, iffirma kuntratt mat-tim fil-preżenza tal-President Amadeo Zammit, il-Viċi President Glen Micallef u t-tim manager Etienne Cachia.
Petrovic, li għandu 52 sena, diġà mexxa timijiet oħra fosthom Mġarr United u Marsascala u Xagħra United f’Għawdex. Il-Montenegrin ser ikun qed jieħu post Edward Azzopardi.
Intant din il-paġna għandha informazzjoni li Rabat ser ikunu qed ifittxu assistent kowċ fejn b’kull probabilità jinħatar Noel Azzopardi bħala assistant ta’ Petrovic fejn aktarx jassumi ukoll l-rwol ta’ kowċ tat-tim tal-minors.
