Draw għal Malta f’logħba ta’ ħbiberija kontra l-Armenja

It-tim nazzjonali Malti irnexxilu jikseb draw fl-ewwel partita ta’ ħbiberija ta’ din il-ġimgħa kontra l-Armenja.

Malta, immexxija minn Ray Farrugia, soffriet goal wara 13-il minuta iżda eżatt qabel l-intervall it-tim Malti ġie mogħti penalty li minnu Andrei Agius ma’ falliex għal skor ta’ 1 – 1, liema skor baqa’ ma’ nbidilx.

It-tim nazzjonali Malti jerġa’ jkun fl-azzjoni f’logħba oħra ta’ ħbiberija nhar il-Ġimgħa kontra l-Ġorġja.