L-attakant ta’ għoxrin sena ta’ Victoria Hotspurs rebaħ l-unur tal-plejer tas sena tal Gozo Football Association biex temm staġun mill-aqwa fejn mhux biss kien protagonist fir-rebħ tal-kampjonat u l-kompetizzjoni Knock Out mat-tim tiegħu, iżda rebaħ l-unur tal-aħjar plejer tal-futbol Għawdxi fl-MFA Awards u riċentament kien imsejjaħ fl-iskwadra tat-tim Nazzjonali ta’ taħt il-21 sena.
Dan l-unur prestiġġjuż fil-futbol Għawdxi tħabbar waqt serata anwali tal-GFA Awards li matulha l-Gozo Football Association tagħlaq l-istaġun billi tqassam l-unuri individwali. Għal din s-serata kienu preżenti ukoll l-għola uffiċjali tal-Malta Football Association immexija mill-President is-Sur Norman Darmanin Demajo, u twassal messaġġ mis-Segretarju Parlamentari għall-Innovazzjoni, Żagħżagħ u Sport Dr Clifton Grima.
Victoria Hotspurs kienu protagonisti f’din is-serata għaliex il-kowċ Gotthard Conti rebaħ l-unur tal-kowċ tas-sena u l-attakant Brażiljan Elton Da Silva ġie ppremjat bħala l-aqwa skorer tal-kampjonat u rebaħ ukoll l-unur tal-aqwa plejer barrani. Alberto Xuereb ta’ Għajnsielem ġie vvutat bħala l-plejer żagħżugħ tas-sena.
Intant l-attakant ta’ Munxar Falcons Jordi Parnis spikka fis-serata billi rebaħ tlett unuri, dak tal-aħjar plejer tat-tieni diviżjoni, l-aħjar plejer ta’ taħt it-18-il sena u l-aqwa skorer ta’ taħt it-18-il sena. Mohammed Senussi Telessi, ta’ St Lawrence Spurs u Sannat Lions irċieva trofew bħala l-aqwa skorer tal-kampjonat tat-tieni diviżjoni u rebaħ l-unur tal-aħjar plejer barrani tat-tieni diviżjoni.
F’din l-okkażjoni l-Gozo Football Association irrikonoxiet persuni għal unuri miksuba jew għal ħidma tagħhom lejn il-futbol Għawdxi. Id-difensur ta’ Munxar Falcons Brian Meilak irċieva premju wara li stabilixxa rekord nazzjonali billi lagħab 624 logħba kompetitiva fil-karriera tiegħu u sar l-plejer f’Malta li l-aktar li lagħab partiti kompetitivi. Chris Camilleri ta’ Victoria Hotspurs ukoll irċieva premju wara li qabeż is-600 logħba kompetitiva u John Cauchi, li għandu 85 sena kien ippremjat għas-snin twal isegwi l-futbol Għawdxi, kemm bħala aministrtur fis-snin sittin u sebgħin u bil-presenza regolari tiegħu għal logħob kollu li jsir f’Għawdex.
Fi tmiem is-serata l-president tal-Gozo Football Association Dr Samuel Azzopardi wassal messaġġ fejn irikonoxxa l-kontribut ta’ dawk kolla involuti fil-klubs tal-futbol Għawdxi u appella sabiex aktar persuni jkuni involuti fl-aministrazzjoni tal-klubs. Dr Azzopardi wera x-xewqa li fiż-żmien li ġej l-assoċjazzjoni twaqqaf ċentru tekniku li jkun ndirizzat sabiex jgħin fl-iżvilupp tal-plejers fin-nursuries Għawdxin.
