36 skola kienu premjati il-Green Flag.
Tmienja minn dawn ħaduha għall-ewwel darba. Din il-bandiera hija simbolu tal-ħidma li ssir favur l-ambjent. Skejjel oħra ngħataw rikonoxximent għall-involviment fil-programm LEAF dwar konservazzjoni u tħawwil ta’ siġar.
https://www.youtube.com/watch?v=YhH0u-pKn00
Il-President ta’ Malta Marie Louise Coleiro Preca stqarret li ċ-ċerimonja hija turija ċara tal-impenn mill-għalliema u studenti favur l-ambjent. Qalet li t-tfal qed iwasslu messaġġ ċar lill-kbar – messaġġ biex ma jinjorawx dak li għandu jsir fil-qasam tal-ambjent f’pajjiżna. Hemm bżonn li wieħed jirrifletti t-talbiet tat-tfal li fost oħrajn jixtiequ iċjed spazji miftuħa u tħawwil ta’ sigar. Talbiet żgħar li qed jibgħatu messaġġ lill-mexxejja. Żiedet tgħid li l-impenn tat-tfal iwassal għall-ġenerazzjoni ta’ mexxejja li għandhom għal qalbhom l-ambjent.
