Ħidma mill-Pulizija tal-Iskwadra ta’ Kontra l-vizzju tad-Droga, wasslet għall-arrest ta’ tlett irġiel; Malti u żewġ Taljani.
Dawn il-persuni, li l-eta` tagħhom tvarja bejn it-33 u 47 sena kienu arrestati wara li fil-pussess tagħhom instabu 39,5 kilo ta’ ħaxixa tal-kannabis u madwar nofs kilo raża tal-kannabis, flimkien ma` arma tan-nar u madwar 16,000 Ewro fi flus kontanti.
Bil-każ ġiet infurmata l-Maġistrat tal-Għassa Dr G Vella LL.D, li ħatret diversi esperti sabiex jassistuha fl-inkjesta li ġiet appuntanta.
Is-suspettati qed jgħinu lill-Pulizija fl-investigazzjonijiet tagħha rigward dan il-każ u mhux eskluż li jitressqu xi persuni l-Qorti fil-jiem li ġejjin.
Minn fuq il-post ġiet elevata ukoll karozza tal-kiri tal-għamla KIA PICANTO, li mhux eskluż li hija waħda minn tat-tlett irġiel arrestati flimkien ma’ tliet chest freezers.
40kgs smuggled cannabis haul yesterday afternoon in Hamrun.
Another success story following collaboration between different security forces. Thank you— Michael Farrugia (@dr_micfarr) March 23, 2018
